Ապրիլի 27-ին մենք դասարանով այցելեցինք Երևանի Երկրաբանական թանգարանը։ Այնտեղ մենք տեսանք Գյումրիի ավազահանքում հայտնաբերված նախապատմական տրոգոնթերյան փղի կմախքը։ Այն շատ տպավորիչ էր։ Ոսկորների բացակա հատվածները վերականգնել էին երկրաբանները։
Երկրաբանական թանգարանը ստեղծվել է 1937 թվականին երկրաբան, գիտության վաստակավոր գործիչ, պրոֆեսոր Հովհաննես Տիգրանի Կարապետյանի նախաձեռնությամբ և անմիջական ղեկավարությամբ։ Թանգարանի առաջին ցուցադրությունը կազմվել է նրա հարուստ հավաքածուների հիման վրա և հետագայում համալրվել Հայաստանի և այլ երկրների երկրաբանների կողմից։
Ցուցադրված էին նաև այլ կենդանիների և բույսերի, քարերի, այլ ապարների նմուշներ և քարտեզներ։
Թանգարանը ուներ 6 բաժիններ՝
- Հնէաբանության բաժին
- Հրաբխականության բաժին
- Հանքաբանության բաժին
- Օգտակար հանածոների բաժին
- Ապարաբանության բաժին
- Հանքային ջրերի բաժին
